Zyrtarët kryesorë evropianë vizituan kufirin greko-turk, i cili, sipas shifrave të OKB, përmban 13,000 migrantë që përpiqen të kalojnë në BE nga Turqia.
Ata iu drejtuan publikut pasi kaluan kufirin greko-turk. Ursula von der Leyen iu drejtua shtypit, duke theksuar se autoritetet greke po përballeshin me një detyrë të vështirë.
“Shqetësimet greke janë gjithashtu shqetësimet tona. Ky nuk është vetëm një kufi grek, por edhe i BE-së. Sot unë jam këtu si evropiane. Unë gjithashtu dua të shpreh dhembshurinë time për migrantët”, shtoi ajo.
Ursula von der Leyen shprehu gatishmërinë e BE për të ndihmuar Greqinë në parandalimin e depërtimit të mëtejshëm të migrantëve.
“Dua të them që jemi në solidaritet me Greqinë. Unë jam plotësisht e gatshme të ndihmoj autoritetet greke. Frontex është e gatshme të dërgojë në kufi ekipin e saj, një anije dhe gjashtë anije patrull imi, tre helikopterë, një aeroplan, 100 oficerë kufitarë. Ne jemi të gatshëm të ndajmë 700 milionë euro për të ngritur infrastrukturën. Ne po punojmë për një kërkesë të marrë nga Greqia, e cila mund të presë pajisje dhe ndihmë mjekësore,” tha Lajenova.
Ajo tha se migrantët nuk janë problem vetëm për Greqinë, por për tërë Evropën.
“Ata që përpiqen të përçajnë Evropën do të zhgënjehen. Ne do të rrinë së bashku dhe të fitojmë. Turqia nuk është armik dhe njerëzit nuk janë mjeti për një qëllim,” përfundoi ajo.
David Sasoli, presidenti i Parlamentit Evropian, theksoi problemin e mungesës së një politike të përbashkët migracioni.
“Varet nga Evropa që të punojë në rishpërndarje të barabartë, për të garantuar të drejtat dhe liri për njerëzit e Evropës. Por nëse nuk kemi një politikë të përbashkët migracioni, si mund ta sigurojmë atë, si mund të jemi një udhëheqës në mbrojtjen e t ë drejtave të njeriut?”, tha ai.
Mijëra migrantë po përpiqen të kalojnë kufirin turko-grek, ditë pasi autoritetet turke njoftuan se kufijtë e tyre me Evropën ishin të hapura, për të bërë presion ndaj Bashkimit Evropian për t’i ndihmuar ata të përballen me luftën në Siri.
Greqia e ka sqaruar se kufijtë e saj janë të mbyllur.
