Antonio Conte është shprehur shumë i lumtur me triumfin në derbin e Milanos.
Trajneri i Inter, Conte, ka përgëzuar lojtarët e tij për paraqitjen fantastike në ndeshjen kundër rivalëve lokal, Milan.
Inter regjistroi fitore me rezultatin 0:2, duke dominuar ndeshjen thuajse në secilin aspekt dhe trajneri italian ka mbetur i kënaqur me këtë paraqitje që solli fitoren, që sipas Conte ishte krejtësisht e merituar.
“Djemtë luajtën një ndeshje të mirë në secilin aspekt. Ishte fitore e merituar. Jam i lumtur për tifozët tanë” ka thënë Conte pas ndeshjes, transmeton lajmi.net.
Skuadra e Conte dominoi ‘Derby della Madonnina’ duke goditur shtyllën tri herë dhe duke shtyrë Donnarumman që të bëjë disa pritje heroike.
Tashmë, pas katër xhirove, Inter numëron 12 pikë, i vetëm në krye të tabelës.