Stabiliteti, sundimi i së drejtës dhe siguria në Republikën e Maqedonisë së Veriut përmes përmirësimit të llogaridhënies dhe menaxhimit me sektorin e zbulimit kundër aplikimit të padrejtë dhe keqpërdorimit të metodave invazive për mbledhjen e informacioneve është qëllimi i Konferencës në temë “Reformat në sektorin e zbulimit: arritje, sfida dhe prioritete” e cila do të mbahet sot në organizim të DCAF.
Qëllimi i konferencës ku fjalim do të ketë kryetari i Kuvendit Talat Xhaferi është të nxitet qëndrim politik për lëvizjen e reformave, forcimit të kapaciteteve të subjekteve në Kuvend, sektorin e zbulimit dhe atë gjyqësor dhe të ndihmohet në zhvillimin e mekanizmave për mbikëqyrje, përgjegjësi dhe masave mbrojtëse në pajtueshmëri me praktikat e mira evropiane.
Programi, sipas organizatorëve, ka për qëllim të jep kontribut efektiv dhe të qëndrueshëm në menaxhimin më të mirë demokratik të sektorit të zbulimit që do të kontribuojë në stabilitetit më të mirë, sundim të së drejtës dhe sigurisë së shtetit dhe qytetarëve të saj.
DCAF konsideron se pronësia lokale është thelbësore në zbatimin e suksesshëm të të gjitha aktiviteteve të saja. Programi dhe qëllimet e saja kanë marrë pëlqimin e Qeverisë dhe Parlamentit përmes Memorandumeve të posaçme për mirëkuptim nënshkruar nga DCAF në maj të vitit 2018
