Një tërmet i fuqishëm ka goditur Indonezinë mëngjesin e kësaj të premte, duke shkaktuar deri më tani 26 viktima.
Mësohet se tërmeti ishte me magnitudë 6.2 të shkallës Rihter me eipqendër rreth 36 kilometra larg qarkut Mamuju të provincës Sulavesi.
Raportohet se nga lëkundjet e forta sizmike janë shkatërruar disa ndërtesa, duke përfshirë një spital.
Lëkundjet shkaktuan edhe rrëshqitje dheu, duke ngjallur panik tek qytetarët. Udhëheqës i Agjencisë lokale për Lehtësimin e Katastrofave në Indonezi, Ali Rahman, tha se shumë viktima mund të jenë nën rrënoja.
Indonezia goditet shpesh nga tërmetet, shpërthimet vullkanike dhe cunamit, për shkak të vendndodhjes së saj në Unazën e Zjarrit, që është një hark vullkanesh dhe pllakash tektonike në Pellgun e Paqësorit.
