Prokuroria Themelore Publike në Gostivar lëshoi një Urdhër për kryerjen e një procedure hetimore kundër një personi të dyshuar për krim – Vepra të rënda kundër sigurisë së njerëzve dhe pronës në komunikacion sipas nenit 300 paragrafi 2 në lidhje me nenin 297 paragrafi 1 të Kodit Penal.
Për shkak të rrezikut të arratisjes, mundësisë së ndikimit te dëshmitarët/palët e dëmtuara dhe mundësinë e përsëritjes së krimit, prokurori publik i paraqiti propozim gjyqtarit të procedurës paraprake nga Gjykata Themelore në Gostivar për caktimin e masës së paraburgimit për të dyshuarin.
“Më 4 shtator, në magjistralen Kërçovë-Gostivar, i dyshuari si pjesëmarrës në trafikun në rrugët publike nuk ka respektuar rregulloret dhe ka rrezikuar trafikun publik. Duke lëvizur me një automjet pasagjerësh “Mercedes” me targa të Kërçovës, në vendin kritikë ai nuk e rregulloi shpejtësinë sipas kushteve dhe rregullores të rrugës dhe në një vijë gjatësore të shënuar qartë filloi të tejkaloj automjetin para tij – vetura “BMW” me targa të Tetovës.
