Kryetari i “Alternativës”, Afrim Gashi ka thënë se në negociatat me kryeministrin Zoran Zaev për zgjërimin e shumicës parlamentare, rëndësi kanë kriteret politike, ndërsa, sipas tij, ndarja e “kulaçit” qeveritar është çështje sekondare. Para takimit me Zaevin, Gashi deklaroi se qëllimi i “Alternativës” është stabilimi i situatës politike dhe dalja e vendit nga kriza.
Gazetari: Sa ministri kërkoni për të hyrë në Qeveri?
Afrim Gashi: Kjo pjesë për “Alternativën” nuk ka qenë asnjëherë thelbësore. Me rëndësi është që të flasim për kriteret politike dhe më pas (ministritë) janë pjesë e dytë, sekondare për ne dhe shumë më e parëndësishme se pjesa e parë normative që ka të bëjë me konceptin që do ta ndërtojmë bashkërisht për t’i tejkaluar pengesat e qeverisë së deritanishme.
