Ministria e Mbrojtjes (MM) njoftoi se janë siguruar 7.000 uniformave të reja luftarake për pjesëtarët e Armatës, ndërsa Batalioni për forcat speciale merr 700 komplete të reja të uniformave luftarake, posaçërisht të dizajnuara sipas kërkesave të tyre.
“Vetëm para disa viteve, një nga problemet më të përmendura në Armatë ishte mungesa e çizmeve dhe uniformave për pjesëtarët e saj. Treguam se me vullnet politik dhe punë mund të zgjidhen këto probleme. E zgjidhëm problemin, dhe njëkohësisht vendosëm dhe sistem të furnizimit i cili duhet të garantojë se problemet e tilla nuk do të përsëriten asnjëherë”, thuhet në kumtesën e Ministrisë së Mbrojtjes.
Uniformat e reja arritën në kazermën “Gjorçe Petrov” në Shkup. Me këtë tërësisht përfundon pajisja e Armatës me uniforma të reja luftarake, theksojnë nga Ministria e Mbrojtjes.
