Ish-futbollisti i famshëm holandez, Clarence Seedorf, ka njoftuar konvertimin e tij në islam.
Seedorf i ka dhënë meritat të dashurës së tij, Sophia Makramatit, e cila e ka bindur dhe mësuar holandezin mbi rëndësinë e fesë islame.
“Një falënderim të veçantë për të gjithë mesazhet e mira për të gjithë ata që më kanë uruar, pasi i jam bashkuar familjes myslimane. Jam shumë i lumtur dhe i kënaqur t’u bashkohem të gjithë vëllezërve dhe motrave në të gjithë botën, sidomos të dashurës sime Sophia, e cila më ka mësuar më shumë dhe më thellë rreth rëndësisë së Islamit”, ka shkruar Seedorf në njoftimin e tij.
Megjithatë, pas këtij konvertimi, Clarence Seedorf nuk e ka ndërruar emrin e tij, të cilin thotë se do ta mbajë, ashtu siç e kanë pagëzuar prindërit.
Konvertimin në islam, Seedorf e ka bërë në Emiratet e Bashkuara Arabe.
