Presidenti rus, Vladimir Putin ka nënshkruar ligjin për të rekrutuar qytetarët që janë dënuar për vrasje, grabitje, vjedhje, trafikim droge dhe krime të tjera të rënda sipas Kodit Penal të Federatës Ruse, në këmbim të kësaj, ata do të nisen për në luftë, shkruan CCN.
Të vetmit që janë përjashtuar nga ky ligj, janë të gjithë ata që janë dënuar për krime seksuale ndaj të miturave, spiunazh, tradhti apo terrorizëm.
Gjithashtu janë përjashtuar edhe ata që kanë tentuar të kryejnë grusht shtet, rrëmbim të aeroplanit apo kanë marrë pjesë në mënyrë të kundërligjshme në transportimin e mjeteve bërthamore.
Presidenti rus tha se Kremlini ka mobilizuar 18 mijë ushtarë shtesë, duke tejkaluar shifrën prej 300 mijë që ishin planifikuar të nisen në luftën e Ukrainës
Derisa, Ministria ruse e Mbrojtjes njoftoi se të gjitha aktivitetet e pjesshme të mobilizimit, duke përfshirë dërgesat e thirrjeve, ishin pezulluar pasi zyrtarët thanë se objektivi i draftit për rekrutimin e 300,000 personelit ishte përmbushur.
