Hristijan Mickoski dhe OBRM t’i mbështesin amendamentet kushtetuese, nëse vërtet kujdesen për interesat e shtetit dhe agjendën evropiane, thuhet në reagim të LSDM-së.
“Janë plotësuar të gjitha kushtet që vetë Mickoski i ka vënë OBRM-PDUKM-së për të mbështetur amendamentet kushtetuese.
Me dorëheqjet e ministrave të BDI-së, të cilat do të hyjnë në fuqi menjëherë pas miratimit të amendamenteve kushtetuese, Mickoski dhe OBRM-PDUKM menjëherë mund të bëhen pjesë e një Qeverie në të cilën BDI nuk do të marrë pjesë dhe më pas të organizohen zgjedhje të parakohshme.
Mjafton të përfshihen në proces dhe të mbështesin ndryshimet kushtetuese”.
Nga partia e Kovaçevskit shtojnë se me ndryshimet në Kushtetutë përshpejtohet procesi i integrimit në BE, por në të njëjtën kohë ruhet kushtetutshmëria parësore e popullit maqedonas dhe mer fund teza “një popull dy shtete” e cila është promovuar me dekada nga disa qendra të huaja.
“Mickoski ka shansin që të paktën një herë të rreshtohet në anën e interesave shtetërore dhe kombëtare”, theksohet në fund të reagimit.
