Më 14 janar 2025, zyrtarët policorë të Njësisë për tregti të paligjshme pranë SPB Shkup kanë zhvilluar një aksion në zonën e Qendrës, ku është arrestuar një 30-vjeçar nga Shkupi. Gjatë kontrollit fillestar, te i dyshuari u gjet marihuanë.
Marketing
Pas hetimeve të mëtejshme, me urdhër gjyqësor u krye një kontroll në banesën e tij në komunën Aerodrom, ku u konfiskuan sasi shtesë marihuane, fara kanabisi, një peshore digjitale, substancë e bardhë e dyshimtë, tableta, një pistoletë “Zoraki M 906” me karikator, para dhe sende të tjera.
I dyshuari u ndalua në stacionin policor dhe, pas përfundimit të dokumentimit të rastit, ndaj tij do të ngrihet kallëzim penal sipas neneve 215 dhe 396 të Kodit Penal.
Marketing
