Mëngjesin e datës 15 janar 2025, zyrtarët policorë nga Sektori për Punë të Brendshme në Negotinë arrestuan një 34-vjeçar të identifikuar si M.A., banor i fshatit Koreshnicë, Demir Kapi. Ai ishte shpallur në kërkim në bazë të një urdhri nga Gjykata Themelore e Negotinës për vuajtjen e një dënimi me burg prej një viti.
Sipas informatave zyrtare, M.A. ishte dënuar për veprën penale “prodhim dhe shpërndarje e paautorizuar e lëndëve narkotike, substancave psikotrope dhe parapërgatitësve”, të sanksionuar në nenin 215 të Kodit Penal.
Pas arrestimit, i dyshuari u dërgua në institucionin korrektues-burgun e Gjevgjelisë, ku do të vuajë dënimin. Autoritetet kanë theksuar rëndësinë e bashkëpunimit me qytetarët për të garantuar sigurinë dhe respektimin e ligjit.
