Thjeshtësia e Labinot Rexhes, shfaqet duke gatuar në shtëpi
Këngëtari Labinot Rexha ka ndarë me ndjekësit e tij në Instagram një video nga përditshmëria në shtëpi, ku shihet duke përgatitur bukë.
Në video, Rexha incizohet nga bashkëshortja e tij teksa gatuan, ndërsa krahas pamjeve ka përcjellë edhe një mesazh për vlerësimin e punës në familje, shkruan Indeksonline.
“Nuk është turp të bësh bukë në shtëpi. Turp është të nënvlerësosh punën e dikujt që përgatit bukën me duart e veta”, ka shkruar ai.
Rexha thekson se buka e përgatitur në shtëpi është, sipas tij, shenjë përkushtimi, respekti dhe dashurie për familjen.
“Buka e shtëpisë është shenjë përkushtimi, respekti dhe dashurie për familjen. Zoti e bekoftë çdo sofrë shqiptare”, përfundon mesazhi i tij.
Postimi ka sjellë në vëmendje një moment të thjeshtë familjar, duke përcjellë një mesazh për vlerësimin e punës dhe kontributit brenda familjes.
