Njerëzit e shëndetshëm përpiqen të mos infektohen me koronavirus, dhe ata që janë të sëmurë përpiqen të kalojnë gjithçka në mënyrë sa më pak të dhimbshme.
Sidoqoftë, ka shumë dyshime se si duhet të sillen ata që kaluan COVID-19 pas kësaj.
Veshja e maskave në ambiente të mbyllura, por edhe jashtë në situata të caktuara, ku nuk mund të mbajmë distancën tonë, është e detyrueshme për të gjithë qytetarët, pavarësisht nëse e kanë pasur koronavirusin apo jo.
Epidemiologët kujtojnë se edhe ata që janë shëruar nga COVID, në javët e para pas shërimit duhet të mbajnë maskë, në mënyrë që të mos e ekspozojnë organizmin tashmë të dobësuar në rreziqe të tjera.
Përkatësisht, pacientët që janë rikuperuar nga COVID ose janë në proces shërimi, duhet të kenë kujdes nga të gjitha viruset dhe bakteret e tjera. Sidomos ata që janë shtruar në spital, vërejnë epidemiologët.
Eshtë gjithashtu e nevojshme që ata të pushojnë më shumë pas shërimit, të kenë gjumë të mjaftueshëm, të hanë siç duhet dhe t’u përmbahen të gjitha masave të mbrojtjes – veshja e maskës, higjena e duarve, distanca fizike.
Sa kohë mund të shërohen njerëzit që transmetojnë virusin?
Kur infektoheni me një koronavirus të ri (SARS-CoV-2), periudha mesatare e inkubacionit është pesë deri në gjashtë ditë, maksimumi 14.
Sidoqoftë, është treguar se sëmundja mund të zgjasë shumë më gjatë, d.m.th. që pacientët individualë të jenë ngjitës deri në katër javë.
Kjo gjë varet, thonë ekspertët, nga sasia e virusit në trup, por gjithashtu mund të jenë mbetjet e virusit që japin një test pozitiv, dhe kjo është një arsye tjetër pse ata që janë rikuperuar duhet të mbajnë maskadhe të mbajnë distancën e duhur.
