Adelina Ismaili i përgjigjet ashpër fansit që e quajti ‘pevaçicë’
Këngëtarja Adelina Ismaili, që njihet për bindjet e saj politike, i është përgjigjur një lexuesi rreth përkrahjes që ajo i bën Lidhjes Demokratike të Kosovës.
Një lexues ka thënë se niveli për LDK’në ka rënë nga akademikët të këngëtarja, e për këtë ka përdorur shprehje serbe “pevaçicë”.
Ndërkaq Adelina Ismaili i ka replikuar duke thënë se ajo e ka përkrahur gjithmonë LDK’në dhe Ibrahim Rugovën, madje edhe atëherë kur janë vrarë aktivistët e saj.
“Ata akademike dhe profesore te cilet po i permend, me kane pergezuar e çmuar lart për çdo arritje time muzikore dhe më së shumti për përkrahjen time që i kam dhënë Rugoves edhe kurr varrosnim aktiviste të LDKse. Unë jam dhe mbetem nga te rrallat qe kam shuuuuumë kredibilitet moral e profesional me iu drejtu votuesit te LDKse e mi tregu ke me votu. Prej se kam hy ne LDK me keni quajt “pevaqice” , si duket malli per pevaqicat ju bente te mos shihni qe vetem Adelina ka arrit ne vitet 90 me iu largu nga trendi i kafehoneve te muzikes serbisht. Mu, le t’me vleresojne ata qe po me vleresojne qe 34 vite, besom nuk jam keq. Ti, qu voto Vjosen se shkau ka shku e nuk kthehet mo. As pevaqicat nuk kthehen, besom..”, ka shkruar Adelina.
