I dënoj të gjitha ngjarjet ku merret para për intervenime. Kjo nuk është mënyrë e funksionimit në cilindo sistem, madje edhe në sistemin tonë shëndetësor. Gjithkund ka sanksione për procedura të këtilla. Po bëjmë përpjekje me të gjitha masat tona t’i stimulojmë mjekët, me rritjen e pagave, kujdestarive dhe me këtë tendencë edhe me këto politika do të vazhdojmë erdhe në të ardhmen.
Këtë sot e deklaroi ministri i Shëndetësisë Venko Filipçe, duke u përgjigjur në pyetjet e gazetarëve për dorëheqjen e zëvendësministrit të Shëndetësisë Asim Musa, i cili sot në konferencë për media tha se tërhiqet nga funksioni, pasi në media u publikua video incizim në të cilën shihet si ai pranon para nga një pacient i Shqipërisë për intervenim kirurgjik.
“Duhet të kemi qasje joselektive pa marr parasysh funksionet që i kemi. Institucionet duhet të ndërmarrin sanksione nëse vlerësojnë se për këtë ka hapësirë për secilin”, shtoi Filipçe në një konferencë për media të Shoqatës së qytetarëve të sëmurë nga veshkat “Nefron”
