“Zgjedhjet janë sfiduese për çdo vend, edhe pse ato paraqesin mundësi, dhe kjo është po aq e vërtetë në Maqedoninë e Veriut sa është në Shtetet e Bashkuara. Konkretisht, ata u ofrojnë votuesve mundësinë për t’u treguar kandidatëve dhe udhëheqjes së qeverisë së ardhshme – cilido qoftë ai – se si duan të duket e ardhmja e këtij vendi”, thotë në deklartë ekskluzive për portalin PRESSonline.al, ambasadorja e Shteteve të Bashkuara të Amerikës (SHBA) në Maqedoninë e Veriut, Angela Ageler.
Ajo theksoi se institucionet qeveritare duhet të vendosin procese për zgjedhje të lira dhe të ndershme për zgjedhjet presidenciale dhe parlamentare.
“Votuesit duhet të edukohen për çështjet përmes burimeve të besueshme të informacionit, duke njohur dhe hedhur poshtë dezinformimin dhe manipulimin. Dhe pastaj, më e rëndësishmja, votuesit duhet të votojnë! Demokracia funksionon kur ne të gjithë bëjmë pjesën tonë”, nënvizoi Ageler.
Pritshmëritë e mia për zgjedhjet, shprehet ambasadorja Ageler për PRESSonline.al, janë të njëjta me ato të votuesve këtu; që i gjithë procesi, që nga periudha e fushatës deri në formimin e qeverisë së ardhshme, të zhvillohet në mënyrë transparente që siguron zgjedhje të lira dhe të ndershme.
“Nëse do të mund të bëja një rekomandim për kandidatët në të gjithë spektrin politik, do të ishte të mbani mend se këto dhe të gjitha zgjedhjet kanë të bëjnë me qytetarët e këtij vendi. Ata kanë të bëjnë me atë se çfarë të ardhme shpreson dhe meriton ky vend dhe njerëzit e tij. Kështu që shpresoj që diskursi i fushatës të fokusohet në çështje dhe jo në sulme personale, sepse besoj se njerëzit janë të lodhur nga negativiteti. Dhe më pas votuesit do të jenë në gjendje të bëjnë një zgjedhje midis kandidatëve për ata që besojnë se do t’i ndihmojnë më së miri të arrijnë shpresat dhe ëndrrat e tyre për veten, fëmijët dhe shoqërinë e tyre. Dhe shpresoj shumë që këto vendime ta sjellin këtë vend më pranë integrimit të plotë në komunitetin europian”, tha Ageler për PRESSonline.al
