NP Higjiena Komunale – Shkup gjatë ditës së sotme filloi aktivitetet për
larjen manuale dhe makinerike të oborreve dhe mjediseve më të afërta të
objekteve më të mëdha fetare ortodokse në të gjitha komunat e Shkupit.
Aktivitetet përfshijnë: katedralen Shën Klimenti i Ohrit, kishat Shën
Bogorodica, Shën Dimitrija, Shën Jovan Kristitel, Shën Petka, Shën
Ilija, Shën Arhangel Mihail, Shën Petar dhe Pavle, Shën Spas etj.
“Në prag të festës më të madhe krishterе – Pashkët, kur pritet rritje e
ndjeshme e frekuencës së qytetarëve në tempujt fetarë ortodoksë, NP
Higjiena Komunale – Shkup përpiqet të ruajë në nivelin më të lartë të
mundshëm higjienën dhe pastërtinë e oborreve dhe mjediseve të afërta të
këtyre objekteve, përmes aktiviteteve të intensifikuara që do të
realizohen gjatë ditëve në vijim.”- tha u. d. Drejtoresha e NP
,,Higjiena Komunale” – Shkup, Kosana Nikoliq Mazneva.
