Partia politike Alternativa në takime me qytetarët do të japë llogari për punën e bërë dhe do të dëgjojë nevojat e qytetarëve, tha lideri Afrim Gashi para tubimit të sontëm në Kumanovë. Ai theksoi se edhe tani si parti opozitare do të mbajnë takime me qytetarë të cilëve do t’u japin llogari, por edhe do të dëgjojnë nevojat e rëndësishme për qytetarët.
“Ne kemi ardhur të takojmë qytetarët, t’i dëgjojmë, të sqarojmë, të japim llogari dhe të ecim më fuqishëm përpara”, tha Gashi.
Duke iu përgjigjur pyetjeve të gazetarëve për pritjet për periudhën e ardhshme, Gashi tha se do të kenë konsultime të gjera dhe se do të dëgjojnë nevojat, ndërsa organet e partisë do ta marrin vendimin.
“Gjithçka është e hapur, ne dëgjojmë qytetarët, aktivistët. Ne kemi konsultime të gjera dhe në fund organet tona partiake do të vendosin se çfarë është më e mira për aktivistët tanë, për partinë, për të gjithë qytetarët. Ne jemi parti që i hapim të gjitha dyert për bashkëpunim
