Të martën, zëvendësdrejtori i Byrosë së Sigurisë Publike dhe Kryetari i Komisionit Kombëtar për Armët e Vogla dhe të Lehta, z. Arif Asani mori pjesë në Takimin e 5-të Rajonal të Koordinimit për Zbatimin e Udhërrëfyesit për një Zgjidhje të Qëndrueshme për Zotërimin e Paligjshëm, Abuzimin dhe Tregtinë e Armëve të Vogla dhe të Lehta (SALW) dhe municionet e tyre në Ballkanin Perëndimor deri në vitin 2024.
Ne takim u prezantua progresi i Republikës së Maqedonisë Veriore në zbatimin e qellimeve të përcaktuara në Udhërrëfyesin, si dhe planet dhe sfidat e ardhshme për të arritur rezultate më të mëdha në rritjen e ndërgjegjësimit të publikut për rreziqet e keqpërdorimit të armëve të zjarrit, parandalimin e tregtisë së armëve , dhe krijimin e sistemeve efikase të shkëmbimit të informacionit.
