BE ka hedhur poshtë idenë për të ftuar Rusinë përsëri në takimet e bera mes fuqive të mëdha ekonomike botërore. Moska u pezullua nga ajo që ishte atëherë G8 në 2014, pas aneksimit të Krimesë.
Presidenti amerikan Trump tha të shtunën se përbërja e tanishme e G7 është ‘shumë e vjetër’ dhe se ai planifikon të ftojë Rusinë, Australinë, Korenë e Jugut dhe Indinë që të marrin pjesë.
Josep Borrell, shefi i politikës së jashtme të BE, tha që pjesëmarrja e Rusisë do vazhdojë të pezullohet derisa vendi ‘të ndryshojë strategji’.
Borrell tha se i takon Trumpit si i rradhës në karrigen e G7 për të dorëzuar ftesa, duke thënë se ato ‘pasqyrojnë përparësitë e ftuesit’. Por ndryshimi i anëtarësimit ose formatit mbi një bazë të përhershme, nuk është ‘e drejta e karriges së G7’.
Mbledhja e udhëheqësve të SHBA.-së, Gjermanisë, Francës, Kanadasë, Japonisë, Italisë dhe Mbretërisë së Bashkuar, fillimisht ishte planifikuar për 10-12 qershor, por është shtyrë për shkak të situatës së koronavirusit.
