Zv.Kryeministri i Maqedonisë Bujar Osmani ishte mysafir në emisionin “Click Plus” në TV21 Osmani deklaroi se Ligji për Gjuhët është nënshkruar nga kryeparlamentari Talat Xhaferi, dhe tashmë është dërguar në Gazetën zyrtare. Gazeta zyrtare pritet të publikohet sonte ose nesër, dhe me ligj përveç gjuhës maqedonase, gjuha shqipe do të bëhet zyrtare. Do të aplikohet në institucione dhe në të gjitha veprimet e qytetarëve para autoritetit të shtetit.
Ligji obligon gjykatat, prokurorët publikë që të aplikojnë gjuhën shqipe në dokumente. Të gjitha autoritetet shtetërore do të obligohen që të kenë faqe online në të dyja gjuhët. Edhe kryeparlamentari Xhaferi në Facebookun e tij privat e ka konfirmuar këtë gjë, duke deklaruar se ligji për gjuhët do të jetë edhe në gazetën zyrtare.
Bujar Osmani në #Clickplus: Nga nesër ministrat në qeveri flasin shqip!
Publiée par TV21 sur Lundi 14 janvier 2019
