Zëvendëskryeministri për çështje ekonomike, Fatmir Bytiqi, edhe një herë ka dalë në mbrojtje të taksës ekologjike, e cila, siç thotë ai, do të jetë në të mirë të qytetarëve. Ai ka ftuar deputetët që ta mbështesin ndryshimin ligjor, sepse taksa ekologjike do të jetë burim financiar për realizimin e projekteve të rëndësishme.
“Do të thërras për mençuri për taksën ekologjike, sepse taksa ekologjike do të thotë investim për qytetarët tanë taksa ekologjike është njëri nga burimet e financimit të projekteve të rëndësishme për qytetarët tanë. Unë me të vërtetë shpresoj se të gjithë deputetët dhe të opozitës në afat sa më të shpejtë do t’i miratojnë ndryshimet ligjore. A do të jetë kjo për 10 ditë, për 15 apo për një muaj, ndoshta është punë ditësh, por mendoj se do të miratohet dhe nuk besoj se do të ndodh e kundërta.”,- deklaroi zëvendëskryeministri për çështje ekonomike, Fatmir Bytyqi.
