Ministrja e Punës dhe Politikës Sociale Milla Carovska ishte pjesë e punëtorisë kreative për fëmijë, e organizuar me rastin e Ditës botërore të sëmundjeve të rralla.
“Me sëmundje të rrallë mund të ballafaqohet çdo familje. Ajo që ne Qeveri synojmë ta bëjmë për qytetarët tonë është të ndërtojmë mbështetje sistemore, me të cilën nuk do të lejojmë as ardhmëria e as jeta e fëmijëve me sëmundje të rralla dhe familjet e tyre të definohen nga sëmundja e tyre. Qëllimi ynë është t’u mundësojmë përditshmëri të përmbushur, mundësi për zhvillim dhe progres për secilin prej tyre”, deklaroi Carovska.
MPPS, siç kumtojnë, së bashku me Ministrinë e Shëndetësisë, para pak kohe e hapi servisin e parë mobil për shërbime shëndetësore dhe sociale, ndërkaq qëllimi i servisit të tillë është të zbatohet në tërë vendin. Në këtë mënyrë afrohen shërbimet deri te qytetarët dhe mundësohet njohje në kohë e rreziqeve shëndetësore dhe sociale nëpër familje. Kjo është jashtëzakonisht e rëndësishme, sepse një pjesë e problemeve të tyre me të cilat ballafaqohen personat me sëmundje të rralla, janë zbulimi i vonshëm i sëmundjes, dhe vështirësi në qasjen për trajtim dhe kurim.
Punëtoria e sotme u mbajt në Qendrën kreative për fëmijë, në organizim të Aleancës kombëtare për sëmundje të rralla të RM – AKSRM, me qëllim që pjesëmarrësit të njoftohen me sëmundjet e rralla.
