Ka përfunduar ndeshja mes Sporting Lisbonës dhe Manchester Cityt, e vlefshme kjo për ndeshjen e parë të fazës së eliminatoreve në Uefa Champions League.
Kampioni anglez, Manchester City ka shënuar fitore të thellë 0:5 si mysafirë i Sportingut.
Fillimisht, rezultatin i pari e zhbllokoi Riyad Mahrez, i cili shënon për Cityn në minutën e 7’, kurse epërsinë në 2:0 e dyfishoi Bernardo Silva në minutën e 17’. City vazhdoi me gola, ku e thelloi epërsinë në 3:0 përmes Phil Foden në minutën e 32’, kurse Silva shënoi golin e dytë personal, dhe të katërtin në ndeshje në minutën e 44’.
Golin e fundit të ndeshjes e shënoi ylli anglez Raheem Sterling, i cili shënon për rezultatin final 5:0 në minutën e 58’ të ndeshjes. Me këtë fitore, City tani gjendet me një këmbë në çerekfinale, pasi që ndeshjen e kthimit do ta zhvillojë si vendas në stadiumin “Etihad”.
Rezultati final i ndeshjes është 5:0 në favor të Cityt.
