Kylian Mbappe tashmë është zyrtarizuar si lojtari më i ri i Real Madridit.
Këtë e bëri të ditur vet klubi madrilen, me anë të një postimi në rrjetet sociale.
“Los Blancos” kanë njoftuar se sulmuesi francez ka nënshkruar kontratë pesëvjeçare, dhe do të jetë pjesë e klubit deri në vitin 2029.
E zyrtarizimi i tij në pak minuta bëri bujë aq të madhe, sa edhe e bllokoi për një moment uebsajtin e klubit spanjoll.
Se çfarë ndikimi pati ky zyrtarizim, e nënkupton edhe fakti tjetër se francezi tashmë numëron mbi 1 milion ndjekës më shumë pas transferimit.
Mbappe kishte qenë pranë nënshkrimit me Real Madridin edhe në vitin 2022, por në momentet e fundit kishte vendosur për rinovimin me PSG-në.
25-vjeçari tek Real Madridi transferohet si lojtar i lirë, pasi kontrata e tij me skuadrën nga kryeqyteti francez do të skadojë në fund të muajit qershor.
Mbappe pritet të fitojë një pagë prej 15 milionë eurove në vit, teksa Real Madridi do të paguajë një shumë prej 100 milionë euro si bonus.
