Kuvendi do të fillojë seancën e tij të 43-të sot, me 55 pika në rendin e ditës, duke përfshirë emërimet e reja, ligjet në procedurë të shkurtuar, leximin e parë dhe të dytë, dy interpelanca, ratifikimet e marrëveshjeve etj. Disa nga pikat në rendin e ditës pritet të votohen në seancat e komisionit.
Në rendin e ditës të kësaj seance janë edhe Informacionet për gjendjen me Liqenin e Prespës, Propozimi për ndryshimin e Vendimit për miratimin e zgjatjes së afatit për ekzistimin e situatës së krizës në territorin e Republikës së Maqedonisë të Veriut, për mbrojtjen e shëndetit publik në prani të pandemisë së deklaruar nga Organizata Botërore e Shëndetësisë nga sëmundja ngjitëse KOVID-19 e shkaktuar nga virusi SARS-CoV-2 dhe për të parandaluar përhapjen e tij në një shkallë të gjerë e cila rrezikon shëndetin e popullatës, Propozim-ligji për ratifikimin të Marrëveshjes ndërmjet Qeverisë së Republikës së Maqedonisë të Veriut dhe Qeverisë së Republikës të Francës e cila i referohet themelimit dhe aktiviteteve të Agjencisë Franceze të Zhvillimit të Proparkos dhe Ekspertizës së Francës në Republikën e Maqedonisë të Veriut.
