Ambasadori i Bashkimit Evropian, Samuel Zhbogar sot do të takohet me kryetarin e komunës së Ohrit, Konstantin Georgievski, si pjesë e fushatës “BE me ju”, duke diskutuar statusin e zbatimit të rekomandimeve për ruajtjen e “Trashëgimisë natyrore dhe kulturore të rajonit të Ohrit”, të UNESKO-së, shkruar në vitin 1979-1980.
Gjatë qëndrimit, ata do të vizitojnë Parkun Kombëtar Galiçicë, ku Bashkimi Evropian ka investuar 390.000 euro për mbrojtje, ruajtje dhe menaxhim më të mirë të zonës së mbrojtur.
Në korniza të projektit, u krijua një kopsht i vogël botanik me shtigje për fëmijë dhe mësimore e hapur, si dhe qendër riprodhimi prej 100 ha për drerin evropian (të kuq), që krijoi kushte për kthimin e këtij “mbreti të pyllit” pas dekadave të mungesës për shkak të gjuetisë së paligjshme dhe monitorim joadekuat. Projekti është pjesë e programit të financuar nga BE-ja, në vlerë prej 4,3 milionë euro për të mbrojtur më mirë zonat e mbrojtura të zbatuara nga Programi për Zhvillim të Kombeve të Bashkuara (UNDP) në bashkëpunim me Ministrinë e Mjedisit dhe Planifikimit Hapësinor.
“Kjo vizitë ‘BE me ju’ do të mbahet në Ohër për të theksuar rëndësinë e mbrojtjes së vlerës së jashtëzakonshme universale që UNESKO i ka përshkruar rajonit për vlerat e tij natyrore dhe larminë e trashëgimisë kulturore, materiale dhe shpirtërore”, thuhet në kumtesë
