Bolidi i tipit ‘Ferrari’, me të cilin garonte ikona e Formula 1 Michael Schumacher, është vënë në shitje.
Skuadra e Ferrari ka vendosur ta shes bolidin e ikonës gjermane, por për ta siguruar këtë bolid duhet paguar një shumë ‘e çmendur’.
Sipas raportimeve nga ‘Autosport’, bolidi i markës Ferrari do të shitet për 4.9 milionë dollarë amerikanë.
Bëhet fjalë për bolidin të cilit Schumacher e voziti në vitin 1998, kur humbi titullin në garë me Mika Hakkinen të McLaren.
Më saktësisht, me këtë bolid Schumacher garoi në Grand Prix të Japonisë, në spektaklin e Suzuka.
Bolidi mund të blihet përmes ‘duPont Registry’.