22:38 | 6 Maj 2021
22:38 | 6 Maj 2021
Federata e Kajakimit të Kosovës ka njoftuar të gjithë qytetarët e interesuar për organizimet që do të ndodhin në këtë muaj.
Rreth tre vite më herët, disa entuziastë të kajakimit në Kosovë kanë filluar punën për të grupuar individët të cilët praktikonin dhe ishin aktiv në sportin e kajakimit.
Duhet cekur se kajakimi si sport në Kosovë është praktikuar qysh nëvitet ’70-ta të shekullit të kaluar (kajak dhe kanu) në qytetin e Mitrovicës, Pejës dhe Prishtinës. Federata për Kajakim e Kosovës (FKKS) është themeluar në fillim të muajit Shtator të vitit 2020.
Më pas FKKS është licencuar nga Ministria e Kulturës Rinisë dhe Sporteve (MKRS) dhe është bërë anëtare e rregullt e Komitetit Olimpik të Kosovës (KOK). Momentalisht, në gjirin e FKKS-së operojnë 7 klube dhe duke parë trendet e përhapjes së këtij sporti, ky numër do të rritet në vazhdimësi.
Perveç masovizimit të kajakimit në Kosovë, synimi jonë është që FKKS të bëhet anëtare e Federatës Botërore për Kajakim (ICF – International Canoe Federation) dhe Federatës Evropiane për Kajakim (ECA – European Canoe Associacion) në mënyrë që kajakuesit nga Kosova të kenë qasje në arenën ndërkombëtare dhe të bëjnë përfaqësimin e duhur të Kosovës edhe në këtë sport.
Në fillim të Qershorit/2021 nën përkujdesjen e FKKS-së, do të organizohen garat zyrtare të kajakimit në Kosovë. Të gjithë adhuruesit e kajakut të cilët dëshirojnë të provojnë ndjenjën e kajakimit, ju njoftojmë se me dt.: 09.05.2021 (e Diel) në ora 10:00, klubet e Federatës për Kajakim të Kosovës do të jenë në Liqenin e Batllavës me kajakët e tyre në dispozicion të qytetarëve që dëshirojnë të kajakojnë! Jeni të mirëseardhur për të provuar këtë sport atraktiv!
