Futbollisti shqiptar, Broja “grushtohet” me njërin nga të punësuarit në Chelsea (VIDEO)

Armando Broja është përfshirë në një “luftë grushtesh” Billy ‘Blood’ McCulloch i cili punon si masazhator në Chelsea.

Marketing

Sulmuesi shqiptar, i cili është duke u rikthyer nga dëmtimi në “Stamford Bridge”, është filmuar duke u përfshirë në një përleshje me anëtarin e famshëm të stafit të dhomës së bluve, McCulloch.

Në rutinë e sipër, Broja godet me grusht McCulloch në krah, përpara se kundërshtari i tij t’ia kthejë me një goditje më të fortë. Broja përplaset në një tavolinë aty pranë, me një buzëqeshje në fytyrën e tij, përcjellë KosovaPress.

Broja ka qenë jashtë fushës që nga nëntori i vitit 2022, me paraqitjen e tij të fundit që ishte për Shqipërinë në një ndeshje miqësore me Italinë, por ai është afër rikthimit në kompeticionet e klubeve pasi iu nënshtrua një operacioni për një problem serioz në gju.