Armando Broja raportohet se ka përfunduar në radarin e Real Madridit.
Sulmuesi shqiptar e kaloi sezonin e kaluar si huazim te Southampton. Ai regjistroi paraqitje të mira, teksa tregoi se ka potencial të vërtetë.
E ardhmja e tij vazhdon të jetë shumë e përfolur, teksa lidhet me një largim nga Chelsea në afatin kalimtar të kësaj vere.
“AS” ka raportuar këtë të premte se 20-vjeçari është në listën e objektivave të Real Madridit.
Sipas mediumit spanjoll, “Los Blancos” po synojnë transferimin e një sulmuesi të ri, pasi sulmuesi kryesor dhe kapiteni i skuadrës, Karim Benzema, po shkon drejt viteve të fundit të karrierës.
Megjithatë, Broja nuk është i vetmi në listën e objektivave të skuadrës së drejtuar nga Carlo Ancelotti.
Në raportimin e “AS” janë përmendur edhe Okafor, Sesko, Simic, Brobbey, Kaladzjic, Rutter dhe Burkardt.
