Galeria Nacionale si pjesë e rrjetit global të muzeve dhe galerive që e shënojnë 18 majin – Ditën Ndërkombëtare të Muzeve i bashkohet kremtimit të kësaj ngjarje me një lajm të mirë!
Fillimisht ju njoftojmë se hyrja në të gjitha objektet është falas brenda orarit të punës nga ora 10 deri më orën 18.
Lajmi i parë që duam të ndajmë është se më 17 maj 2023 MNK ICOM dha dy çmime muzeore të rëndësishme Galerisë Nacionale për vitin 2022.
Çmimi i parë i dhënë nga MNK ICOM për Galerinë Nacionale është çmimi MUZEU I VITIT, si rezultat të programit muzeor-galerik të pasur dhe cilësor të Galerisë gjatë vitit 2022. Vlerësimet janë për dukshmërinë dhe njohjen e jashtëzakonshme; inkluzivitetin; punës me tema me rëndësi të veçantë për shoqërinë: mirëqenia, ndryshimet klimatike, mjedisi, qëndrueshmëria. Projektet që janë arsye për dhënien e këtij çmimi, të realizuara në vitin e fundit janë: Prezantimi nacional në Bienalen e 59-të të Venecias – “Përvoja e peizazhit” nga autorët Monika Moteska dhe Robert Jankulloski, më pas ekspozita retrospektive e Dimitar Kondovskit, ekspozita e Ivanço Talevskit: “Prerje: Dama me nëntë gurë”, prezantimi i artistit multimedial të njohur ndërkombëtarisht Driant Zeneli me “Trilogjinë e tij: Nën sipërfaqe ka një sipërfaqe tjetër”, “Portreti në fokus nga Ilija Axhievski”, Ekspozita retrospektive e Teofil Shulajkovski-Tofe, 30 vjet punë nga Nehat Beqiri dhe bashkëpunimi ndërkombëtar që përfaqëson grupin artistic bullgar – XXL.
Çmimin e dytë, me të cilin jemi krenarë, MNK ICOM ia dha kuratores Ana Frangovska, kuratore e lartë në Galerinë Nacionale, për PUNËTORIN E MUZEUT TË VITIT. Çmimi është rezultat i përkushtimit dhe profesionalizmit të saj në veprimtarinë muze-galerike!
Faleminderit MNK ICOM dhe Komisionit për çmimet e dhëna me rastin e “18 Majit – Ditës Ndërkombëtare të muzeve” të cilët njohën cilësinë, përkushtimin dhe qëndrueshmërinë në punën e Galerisë Nacionale. Këto çmime janë një shtytje, si dhe përgjegjësi në vazhdimin e strategjisë praktiës së jashtëzakonshme muzeore.
Për më tepër,
Siç informuam më herët, në drejtim të mbështetjes së arsimit formal, zhvillimit të aftësive kreative dhe edukimi kulturor tek më të rinjtë, shpallëm manifestimin përfundimtar të lojës shpërblyese edukative “Labirinti i Artit 2”, e destinuar për nxënësit e shkollave fillore. Loja që u realizua gjatë muajve prill dhe maj 2023, përfundoi më 18 maj 2023 – Ditën Botërore të Muzeve, me anë të përygjedhjes së rastësishme do të jepen rreth njëqind çmime të përshtatshme për pjesëmarrësit që zgjidhën enigmën e lojës shpërblyese dhe plotësuan pyetësorin. Lotaria dhe shorti zyrtar i fituesve të realizohet në Hamamin e Daut Pashës në orën 12.
Dhe në fund, sërish me temën e Ditës Ndërkombëtare të Muzeve, ju kujtojmë se më 19 maj 2023, në Hamamin e Daut Pashës do të promovohet monografia kushtuar jetës dhe veprës së skulptores Aneta Svetieva. Promovimi është caktuar në orën 12.
75 vite Galeri Nacionale të Republikës së Maqedonisë së Veriut
