BE dhe Shqipëria do të zhvillojnë të martën konferencën e parë ndërqeveritare me qëllim nisjen e rrugëtimit të integrimit të vendit. Është diçka që ndodh pas 30 vitesh pluralizëm në vend dhe mbart një simbolikë historike pavarësisht se tashmë shumë e kanë humbur shpresën për një integrim të shpejtë tonin në familjen europiane për shkak të zvarritjeve të vazhdueshme.
Lajmin për konferencën e parë ndërqeveritare BE-Shqipëri e konfirmoi për gazetaren e ABC, Erisa Zykaj, vetë burime diplomatike nga Bashkimi Europian.
Diçka e tillë ka qenë emocionuese edhe për vetë gazetaren e ABC, e cila raporton prej 20 vitesh mbi rrugëtimin e Shqipërisë për në Bashkimin Europian. Fill pasi ia çoi këtë lajm redaksisë së abcneës.al, Zykaj u fut LIVE në prolin e saj në Facebook duke mos i mbajtur edhe lotët.
“Dua të ndaj me ju një lajm shumë të bukur, siç është ai i nisjes së negociatave të anëtarësimit në BE të Shqipërisë dhe Maqedonisë së Veriut. Kam ardhur të raportoj që student këtu dhe tashmë janë bërë 20 vite. Tani kemi ardhur në fazën finale. Kjo është shumë emocionuese”, tha ndër të tjera Zykaj.
