Artan Grubi
Ditë e trishtë, e vështirë për Kosovën dhe shqiptarët, por e drejta dhe e vërteta patjetër që do të ngadhënjejë.
Kur je në të drejtën tënde, kur ke ndërgjegjen e pastërt, kur ke popullin me vete, shkon e ballafaqohesh burrërisht me drejtësinë pa të tu dridhur qerpiku.
Me guxim e me vetbesim, si buzëqeshja e Fehmi Lladrovcit kur e pyesin “A kishit me vdek për Kosovën?”, “Gjithëqysh, me dëshirën më të madhe. Më e shtrenjtë është liria se sa jeta. Ky do të ishte fati më i madh i imi i jetës.” u përgjigj heroi kombëtar, dëshmori Fehmi Lladrovci.
Kur ke fajin mbi supe, siç kishin drejtuesit politik dhe ushtarak serb për gjenocidin ndaj popullit shqiptar dhe luftën në Kosovë por edhe në ish Jugosllavi, atëherë gjen birën e miut për ti ikur drejtësisë.
Beteja e fundit do të jetë beteja e fitores!
