Qeveria e re e kryesuar nga Avdullah Hoti do t’i ketë 16 ministri.
Kjo është konfirmuar në një konferencë për media sot pas mbledhjes së strukturave të LDK-së, nga vet kandidati për kryeministër, Avdullah Hoti, shkruan lajmi.net.
“Unë në cilësinë e mandatarit, kam diskutuar me partnerët. Qeveria e re do të ketë 16 resorë”, ka thënë Hoti.
Hoti po ashtu ka thënë se LDK nuk ka caktuar ende emrat e mundshëm për ministra, pasi që sipas tij po pritet koha e mbajtjes së seancës.
“Ne ende nuk e kemi caktuar kabinetin nga ana e LDK-së. Presin për kohën e mbajtjes. Kemi bërë një ndryshim dhe një riorganizim”, ka shtuar Hoti.
Ndërkaq, kreu i LDK-së, Isa Mustafa që po ashtu ishte pjesë e kësaj konference tha se është i bindur se dekretimi i presidentit është në përputhje me Kushtetutën, dhe se për këtë do tëp resin vendimin e Gjykatës.
