Hoxha Zekirija Bajrami nga Shkupi, i cili sot është dashur të jetë nikoqir i hoxhës Ahmed Kalaja nga Shqipëria sot ka reguar pasi këtij të fundit autoritetet e Maqedonisë së Veriut i ndaluan hyrjen në shtet, përcjell TV21. Bajrami thotë se shtetet e Ballkanit Perëndimor synojnë Europën vetëm me fjalë, pasi sipas tij, ky veprim i autoriteteve “ka thyer zemrat e shqiptarëve”.
Në vijim reagimi i plotë i hoxhës Bajrami:
DERI KUR KËSHTU ME NE?
U gëzuam se iku komunizmi nga shtetet e Ballakanit dhe kinse na erdhi “demokracia”. Pastaj u gëzuam edhe më shumë për Ballkanin e hapur, por për fat të keq sa ja vlen Ballkani i hapur me zemra të mbyllura.
Madje pretendojnë Europën por vetëm me fjalë.
Nuk kalon një muaj që të mos jem në Europë, atje as që të pyet kush se ku po shkon, ke pasaportën lëviz i lirë.
Ne themi se jetojmë në “demokraci” por me mentalitet jo demokratik.
Sa e sa zemra të vëllezërve Shqipëtarë u thyen sot me mos lejimin e hoxhës Ahmed Kalaja për të qenë prezent në mesin tonë.
Zoti ynë, hapi zemrat e mbyllura të Ballkanit të hapur.
