Postimet në revistën e Alketa Vejsiut që prej ditës së djeshme po bëjnë bujë në media online. Pas postimit për Xhemi Shehun, në revistën e moderatores mori vëmendjen një shkrim për motrat Vjollca e që i referohej më shumë Marinës duke qenë se kjo e fundit e ironizoi Alketën në “Klanifornia”.
Në postimin e revistës së menaxhuar nga Alketa, komentoheshin pushimet luksoze në Dubai të Marinës dhe Luanës.
Ky shkrim që fliste për “jetën si sheikë”, ka nxehur Getoarin. Burime të sigurta për “Anabel.al” bëjnë me dije se Getoari, i nxehur nga shkrimi ironizues i Revistës Class është përpjekur të kontaktojë me Alketën, por moderatorja nuk i është përgjigjur telefonatës.
Pas mesazheve të vazhdueshme të Getoarit për të komunikuar me Alketën, Revista Class ka ndryshuar tekstin në Instagram.
Postimi i revistës: “Jeta e sheikeve” sa i pëlqen vajzave shqiptare! #sheikeshat #sheiket e showbizit shqiptarë duken kaq sexy në Dubai!
Zbarkuan një pjesë e mirë e tyre edhe këtë vit!
Çudi ne shqiptarët se të lidhur jemi me botën arabe! Çudi sa pak promovojme perëndimin, stilin italian apo francez!
Na lëvrin gjaku për muzikën e tyre!
Për grimin e tyre!
Për fustanet e ngarkuar glam e me xixa!
Për jetën e tyre luksoze!
Dubai për disa që e kanë frekuentuar është një qytet butaforik artificial ku jo çdo gjë që shkëlqen është ar, të tjerë çmenden për të!
Po juve a ju duket interesant Dubai?
Ju pëlqen më shumë eleganca e vajzave diskrete europiane perëndimore?
Apo modeli arab? Buzë të plota, bust “zemërgjerë”, vithe sexy, forma të theksuara?
Nuk po shtojmë edhe sheikët që të mbajnë në pëllëmbë të dorës, sepse ne luftojmë fort për modelin e vajzës “Self Made” që punon nga mëngjesi deri në darkë për të fituar rrogën me krenari!
Përdorëm foton në fjalë, se motrat Vjollca na duken imazhi më i mirë i Dubait në këtë fillim viti! Votoni ne story! Cilin model pelqeni më shumë?
