Inter thuhet se e kanë vendosur Christian Erisken në tregun e transferimeve, vetëm tetë muaj pas blerjes nga Tottenham Hotpsur.
Sipas Calciomercato, danezi nuk është kërkuar asnjëherë nga Antonio Conte në radhë të parë, dhe nuk është pjesë e planeve të tij për të ardhmen.
Kjo ishte bërë e dukshme, pasi Eriksen ishte lënë në mënyrë të vazhdueshme në bankinë, duke iu dhënë mundësia vetëm si zëvendësues gjatë muajve të fundit.
Eriksen i kushtoi Interit 27.5 milionë euro kur e transferuan nga Tottenham gjatë afatit kalimtar të janarit, kështu që nëse largohet këtë verë, duhet t’u sjellë fitime Zikaltërve.
Ai mund të përdorët si shkëmbim te lojtarët që i përshtaten sistemit të Contes, megjithëse mediet në Itali raportojnë se nga shitja e tij Inter mund të fitojë deri në 50 milionë euro.
