Zëvendëskryeministri i parë i qeverisë së Maqedonisë së Veriut, Izet Mexhiti në emisionin ZOOM të servisit publik MTV-së, ka uruar Shqipërinë për hapjen e kapitullit të parë për anëtarësim në BE. Ndërkohë Mexhiti ka siguruar që e vetmja alternativë e vendit është BE dhe NATO.
“Ne si shqiptarë së bashku me partnerët tanë strategjik dhe partnerin e koalicionit në qeveri po punojmë për të miratuar ndryshimet kushtetuese. Ne jemi optimist se do të gjendet zgjidhje. E vetmja alternativë është BE dhe NATO, sepse vetëm kjo garanton stabilitet dhe mirëqenie në vend”, ka thënë Mexhiti.
Izet Mexhiti: Përfaqësimi adekuat është kategori kushtetuese dhe këtë nuk mund ta abrogoj askush
Zëvendëskryeministri i parë i qeverisë së Maqedonisë së Veriut, Izet Mexhiti në emisionin ZOOM të servisit publik MTV-së, ka deklaruar se përfaqësimi adekuat është kategori kushtetuese dhe këtë nuk mund ta abrogoj askush.
ka uruar Shqipërinë për hapjen e kapitullit të parë për anëtarësim në BE. Ndërkohë Mexhiti ka siguruar që e vetmja alternativë e vendit është BE dhe NATO.
“Vendimet me Nënshkrimet e ministrave të pushtetit të kaluar për shfuqizimin e balancuesit janë identik me vendimin e Gjykatës kushtetuese për shfuqizimin e balancuesit. Përfaqësimi adekuat është kategori kushtetuese dhe këtë nuk mund ta abrogoj askush”, ka thënë Mexhiti.
Mexhiti: Ali Ahmeti nuk doli nga qeveria as për Monstrën e as për Lagjen e Trimave
I pyetur lidhur me kërkesën e kreut të BDI-së, Ali Ahmeti që VLEN ta braktis qeverinë, zëvendëskryeministri i parë i qeverisë, Izet Mexhiti theksoi se kjo është një ëndërr e tyre për tu bë pjesë e qeverisë dhe jo për kauzë kombëtare.
“Ali Ahmeti nuk ka dalë nga qeveria as kur ka ndodh Monstra as Lagjeja e Trimave, as kur ska lëviz çështja shqiptare, ato mund vetëm të kenë dëshirë për tu bërë pjesë qeverisë dhe jo për ndonjë kauzë. Në kohën e tyre kishte Moratorium të çështjes së shqiptarëve”, ka thënë Mexhiti në emisionin ZOOM të servisit publik MTV.
Mexhiti: VLEN funksionon suksesshëm si një trup politik
Zëvendëskryeministri i parë i qeverisë, Izet Mexhiti në emisionin ZOOM të MTV 2 ka folur edhe për funksionimin e VLEN-it. Sipas tij ky koalicion funksionon suksesshëm si një trup politik.
“Bashkëpunimi brenda VLEN është i shkëlqyeshëm, në momente nuk shifen as dallimet partiake, kemi një komision kadrovik, një PR të koalicionit dhe thuajse jemi mishëruar si një familje. Vlen funksionon suksesshëm si një trup politik për ta mbrojtur çështjen kombëtare”, ka thënë Mexhiti.
Mexhiti: BDI e ka pasur dertin e tenderimit dhe jo përfundimit e korridorit 8 dhe 2 km të rrugës Shkup-Bllacë
Sipas zëvendëskryeministrit të qeverisë së parë, Izet Mexhiti BDI asnjëherë nuk e ka pasur prioritet përfundimin e korridorit 8 dhe rrugës Shkup-Bllacë meqë derti i tyre ka qenë tenderimi.
“BDI rrugën Shkup-Bllacë as 2 km nuk e kanë përfundu, në Tetovë-Gostivar as 8 përqind nuk është bërë eskpropriimi, ata vetëm e kanë pasur dertin e tenderimit dhe PR-in e partisë së tyre”, ka thënë Mexhiti në emisionin Zoom të MTV2.
Ai më tutje garantoi se të gjitha rrugët në interes të shqiptarëve do të bëhen sa më parë.
“Nuk rrezikohet rruga Bllacë dhe as korridori 8 e as ajo mes Tetovës dhe Prizrenit. Ne po bëjmë përpjekje që këto të realizohen sa më parë konform interesave të shqiptarëve”, përfundoi Mexhiti.
