Komiteti Ekzekutiv i Federatës Shqiptare të Futbollit ka përcaktuar ditën e sotme datat e nisjes dhe përfundimit të edicionit për sezonin 2020-2021 për të gjitha kompeticionet.
Bëhet me dije se anëtarët e KE-së kanë shqyrtuar e më pas miratuar propozimet përkatëse përmes një vendimi qarkullues.
Ndërkohë theksohet se sezoni 2021-2022 do të startojë më datë 28 gusht me finalen e Superkupës së Shqipërisë dhe do të përfundojë më datë 31 maj 2022 me finalen e Kupës së Shqipërisë.
Kategoria Superiore do të fillojë më 11 shtator 2021 dhe do të mbarojë më datën 26 maj 2022, ndërsa edhe Kategoria e Parë nis po më datën 11 shtator 2021 për t’u mbyllur më datën 7 maj 2022.
Më poshtë janë datat e fillimit dhe përfundimit të të gjithë kompeticioneve:
Superkupa e Shqipërisë të zhvillohet më datën 28.08.2021.
Kampionati i Kategorisë “Superiore” të fillojë më 11.09.2021 dhe të mbarojë më datën 26.05.2022.
Kampionati i Kategorisë së Parë të fillojë më datën 11.09.2021 dhe të mbarojë më datën 07.05.2022.
Kampionati i Kategorisë së Dytë të fillojë më datën 19.09.2021 dhe të mbarojë më datën 01.05.2022.
Kupa e Shqipërisë, Turi Paraeleminator të fillojë më datën 11.09.2021 dhe të mbarojë më datën 31.05.2022.
Kampionati i Femrave të fillojë më datë 26.09.2021 dhe të mbarojë më datë 30.04.2022.
Kampionati i moshave Superiore U-17/U-19 të fillojë më datën 19.09.2021 dhe të mbarojë më datën 08.05.2022.
Kampionati i moshave Superiore U-13/U-15 të fillojë më datë 19.09.2021 dhe të mbarojë më datë 01.05.2022.
