Forcat ukrainase kanë avancuar rreth Bakhmutit, tha zëvendësministrja e Mbrojtjes Hanna Maliar, duke e përshkruar qytetin lindor si “epiqendrën e armiqësive”.
Ajo nuk tha nëse kishte filluar një kundërofensivë e shumëpritur, shkruan BBC.
Më vete, ushtria ruse tha se kishte zmbrapsur një sulm të ri në rajonin lindor të Donetskut të hënën..
Bakhmut ka qenë prej muajsh në qendër të luftimeve të ashpra. Ka pak vlerë strategjike – por është vennd simbolikisht i rëndësishëm si për Kievin ashtu edhe për Moskën.
Pretendimet e së hënës nga Ukraina dhe Rusia nuk janë arritur tw verifikohen.
Në orët e para të së martës, sirenat e sulmit ajror u aktivizuan për disa orë në të gjithë Ukrainën. Në kryeqytet e Ukrainws, Kiev, të gjitha raketat – më shumë se 20 – u rrëzuan, thanë zyrtarët e qytetit duke cituar informacionin paraprak.
