“Sot, Shtabi i krizës së Komunës së Strugës mbajti mbledhje ku u diskutua për kthimin e jetës në normale, lehtësimin e masave gjegësisht heqjen e ndalesës për lëvizje dhe zhvillimin ekonomik të vendit.
Shtabi propozoi që ora policore të hiqet, qytetarët të lëvizin lirshëm duke respektuar distancën sociale dhe masat tjera mbrojtëse por gradualisht duke u rikthyer në normalitet. Bizneset, kafenetë dhe restorantet të hapen për arsye se turizmi është një ndër sektorët më të rëndësishëm sa i përket zhvillimit ekonomik vendor.
Zbutja e masave dhe hapja e bizneseve janë të domosdoshme për kthimin e jetës në normale, për rimëkëmbjen e ekonomisë të vendit dhe mirëqënien e përgjithshme të qytetarëve.” – zyra për marrëdhënie me publikun, Komuna e Strugës.
