Gati 700 marinarë të caktuar për grupin detar të transportuesit francez Charles de Gaulle kanë testuar pozitive për koronavirusin, tha të mërkurën ministria e mbrojtjes.
Ministria tha se 1,767 marinarë, ishin testuar dhe rezultatet treguan se të paktën 668 ishin pozitiv me koronavirusin e ri.
“31 veta nga personeli janë sot në spital,” tha ministria në një deklaratë. “Më shumë testime janë duke u kryer.”, raporton Reuters.
Transportuesi, i cili kohët e fundit po merrte pjesë në ushtrime me marinat e Evropës veriore në Detin Baltik, mbërriti në shtëpi në Toulon dy javë më herët sesa pritej pasi rreth 40 anëtarë të ekuipazhit treguan shenja të simptomave COVID-19.
Anëtarët e ekuipazhit të sëmurë ndërkohë ishin vendosur nën vëzhgim të rreptë mjekësor.
Ekuipazhi nga Charles de Gaulle dhe frigata Chevalier Paul ishin tanimë të izoluar brenda bazës së tyre detare, ndërsa pilotët e aeroplanëve të luftës dhe helikopterët e transportuesit ishin gjithashtu në karantinë.
