Instituti Kombëtar i Shëndetit Publik në Kosovë (IKSHPK) ka regjistruar të shtunën tetë persona të infektuar dhe 31 persona të shëruar nga koronavirusi.
Marketing
“Rastet pozitive janë raste kontakti nga: komuna e Prishtinës 3 raste (sipas vendbanimit: 3 raste Prishtinë), komuna e Mitrovicës 2 raste (sipas vendbanimit: 2 raste Mitrovicë) dhe me nga 1 rast vendbanimet: Llazarevë- Obiliq, Fushë Kosovë dhe Gjilan”, është thënë në njoftim.
Përgjatë 24 orëve të fundit, ky Institut ka thënë se janë kryer 177 teste për këtë virus.
Marrë parasysh të dhënat e fundit, deri më tani në Kosovë janë regjistruar 880 persona të infektuar, 653 të shëruar dhe 28 të vdekur si pasojë e sëmundjes Covid-19, që shkakton koronavirusi.
