Kroacisë i është dhënë miratimi nga ministrat evropianë që ta fusë në përdorim euron. Kështu Zagrebi do të bëhet zyrtarisht anëtari i 20-të i eurozonës më 1 janar 2023, gati një dekadë pasi u bë anëtare e parë e Bashkimit Evropian.
Ministri kroat i Financave, Zdravko Mariq, të martën e quajti si një ditë të madhe për Bashkimin Evropian si dhe për Bashkimin Monetar Evropian.
“Fakti që Kroacia do të bëhet anëtari i 20-të i Eurozonës është gjithashtu një sinjal i qartë se integrimi evropian është në vazhdim, pavarësisht nga të gjitha sfidat, me të cilat po përballemi. Ky është një mesazh shumë i fortë dhe pozitiv për të gjithë qytetarët tanë”, deklaroi ai.
Kushti i konvertimit është vendosur në 7,53450 kuna kroate për euro, tha Banka Qendrore Evropiane.
Vendimi i ministrave të financave erdhi pasi euro arriti barazinë me dollarin amerikan për herë të parë në 20 vjet, pasi tregjet kanë frikë se blloku mund të futet në recesion si rezultat i luftës së Rusisë në Ukrainë.
