Arben Taravarit i ranë maskat dhe u deshifrua se gjithmonë ka qenë satelit dhe në bashkëpunim të fshehtë me BDI-në. Kur thoshte Ali Ahmeti se Ziadin Sela ka hëngër bukën e shtëpisë time, kam pasur bindjen se e ka truk dhe strategji për ta përçarë opozitën, por jo. Nëse deri dje Ziadini paska ngrënë vërtetë bukën e Aliut, sot Taravari vazhdon të hajë në emër të votuesit opozitar pazaret për shtëpi luksoze në zonën elitare Taftalixhe, e kush e di se ku edhe në ndonjë vend tjetër!
Arben, të ka dalur boja dhe fasada e hipokrizisë politike, sepse ti luftën kundër BDI-së e ke pasur kamuflim e që në fakt dita ditës po verifikohet se në prapaskenë gjithmonë kishe qenë në bashkepunim dhe shërbim të tyre!
Për kosuret, hesapet dhe borxhet që ju më mirë i dini që ja keni Aliut, u detyruat të dilni në sipërfaqe si urithi i cili vepron ndër tokë dhe kohë pas kohë e nxjer kokën, në momentin që BDI e humbte shumicën në parlament dhe nuk i kishte numrat që kjo qeveri të vazhdojë edhe më tutje. Kur u shfaq “urithi” dhe doli në sipërfaqe, atëherë kur anija (BDI-ja) ishte para fundosjes, ju ASH-ja menjëherë si ekip emergjence, hoqët maskat dhe i dolet në ndihmë për ta shpëtuar Qeverinë dhe BDI-në në formën më të çuditshme dhe të paarsyeshme!
Ju e dini se votat që jua dhanë Gostivarlitë, kanë qenë vota anti BDI, jo për ta shpëtuar BDI-në, prandaj shumë shpejtë do e marrësh dënimin edhe nga Gostivarlitë që i tradhëtove në formën më të ulët dhe më dinake me jaraninë e fshehtë me BDI-në dhe Koalicionin e Taftalixhes për shpëtim të BDI-së!
Se kishe qenë dhe vazhdon të jesh tash më ashiqare shërbëtor i kapur i BDI-së, flet edhe akti i djeshëm i yti me disa aktivistë të përjashtuar të Besës para një viti, sepse të njejtët i kapëm në flagrancë duke koketuar herë me BDI-në e herë me ASH-në!
Është interesant se këto blefe i bën në momentin që nga BDI po shkëputet Grupi i Zjarrit, dhe ti përsëri duke dashur ta defokusosh koncentrimin e opinionit nga ajo që po ndodh në BDI, del me foto mashtrimi kinse keni marrë aktivistë të Besës, me të vetmen arsye për ta minimizuar përçarjen e madhe në BDI.
“Veren do smrt” i BDI- së lindesh nuk bëhesh, ashtu siç e kishi liderin e partisë M.TH më herët, tani po e bëni të njëjtën ju i kamufluari Arben Taravari!
Gropa që hapet për të tjerët është dëshmuar se në të shpesh herë ka rënë vet autori i gropës!
