Ekipi juridik i Bojan Jovanovskit, i njohur si Boki 13, në një kumtesë të lëshuar deklarojnë se kthimi i Boki 13 në burg në gjendje parakanceroze është rrezik për jetë. Pas skandalit për vendimin e falsifikuar të Gjykatës Penale me urdhër të kryetarit Ivan Jolev, me të cilin Bojan Jovanovski, u kthye në “Idrizovë” në gjendje parakanceroze dhe në gjendje të rënduar dukshëm shëndetësore që nuk mund të trajtohet në burg
I dënuari ka dërguar kërkesë për mbikëqyrje dhe kontroll të jashtëzakonshëm nga Këshilli Gjyqësor, thuhet më tej në këtë kumtesë.
“Jovanovski ka raportuar se po kërkon edhe mbikëqyrje të jashtëzakonshme të sistemit AKMIS, sepse është keqpërdorur. Kërkon gjithashtu rishikimin e të gjitha vendimeve gjyqësore për pezullimin e dënimit. Kujtojmë se Jovanovski tashmë ka alarmuar se është shënjestër e torturave të papara dhe të paharruara, e cila ndikon edhe në shëndetin e tij. Kthimi i Jovanovskit në kushte penale dhe në një gjendje të tillë shëndetësore është jo vetëm shkelje e rëndë e të drejtave të tij, por edhe rrezik për jetën e tij”
Jovanovski pret që torturat ndaj tij të jenë më intensive për shkak të të gjitha njoftimeve publike.
Përndryshe, Bojan Jovanovski “Boki-13”, është i dënuar me 9 vjet burg për “mashtrim dhe larje parash” në procesin gjyqësor “Lidhja Ndërkombëtare”
/SHENJA/
