Një futbollisti të Premier Ligës që ishte arrestuar në verën e kaluar nën dyshimet për përdhunim i është zgjatur lirimi me kusht deri në muajin qershor të këtij viti.
Këtë e ka bërë të ditur një medie londineze, ‘Football.london’, transmeton lajmi.net,
Marketing
Futbollisti, emri i të cilit nuk mund të bëhet publik për arsye ligjore, ishte arrestuar gjatë verës së kaluar në shtëpinë e tij në Londër, pas një akuze që ishte bërë nga një 20 vjeçare.
Ai u arrestua më tej ndërsa ishte në paraburgim, mbi akuzat për përdhunim të një gruaje tjetër në prill dhe qershor të vitit 2021.
Policia Metropolitane e ka konfirmuar se lirimi me kusht i futbollistit është zgjatur për të tretën herë me radhë deri në një datë të caktuar në qershor.
