R’Bonney Gabriel nga Shtetet e Bashkuara të Amerikës u kurorëzua të shtunën mbrëma (14 janar) si Miss Universe e 71-të
Gabriel, e cila vitin e kaluar u bë e para filipino-amerikane që fitoi Miss USA, mori kurorën duke lënë prapa
Amanda Dudamel nga Venezuela dhe Andreina Martinez nga Republika Domenikane.
Konkursi u mbajt në New Orleans, Luiziana, me 84 përfaqësueses nga e gjithë bota që konkurruan për kurorën.
Mbrëmja e së shtunës ishte dita e fundit e garës, ku eliminimet ngushtuan numrin e finalistëve deri sa mbetën dy të fundit.
Kur Gabriel hyri në Top 5, ajo u pyet: “Miss Universe së fundmi bëri një ndryshim gjithëpërfshirës duke lejuar nënat dhe gratë e martuara të konkurrojnë këtë vit. Cili është një ndryshim tjetër që dëshironi të shihni dhe pse?”
Gabriel u përgjigj se shpresonte që organizatorët e konkursit të rrisnin kufirin e moshës së kandidatit.
“Për mua, do të doja të shihja një rritje të moshës sepse jam 28 vjeç. Dhe kjo është mosha më e vjetër për të konkurruar. Dhe mendoj se është një gjë e bukur. Citati im i preferuar është “nëse jo tani, atëherë kur?” Sepse si grua, besoj se mosha nuk na përcakton. Nuk është nesër, nuk është dje – por është tani. Koha është tani”, tha ajo.
Gabriel nga Houston është një modele, stiliste dhe instruktore rrobaqepësie që i jep përparësi mjedisit në punën e saj.
